TA 2020/18 Rødven kyrkjestad. Avklarande undersøking i samband med rotfjerning og nyplanting

Abstract

I samband med søknad om rotfjerning og nyplanting i ei skråning ved Rødven stavkyrkje i Rauma kommune har NIKU gjennomført ei avklarande undersøking, for å få eit betre vurderingsgrunnlag av forholda på den mellomalderske kyrkjestaden. Lite kunnskapsgrunnlag om eventuelle kulturlag og strukturar i grunnen gjorde det vanskeleg å vurdere tiltaket sitt konfliktpotensial. Det vart grave tre prøvesjakter i skråninga, og det vart ikkje påvist automatisk freda kulturlag eller strukturar i grunnen. I den sørlegaste prøvesjakta var det dokumentert ei mogleg eldre overflate med datering til eldre steinalder. Rotomfanget til krattet var også dokumentert, og dette viste seg å vere mindre omfattande enn fyrst anteke.